Sus kəndinə ilk köç gələn ilin əvvəlində olacaq

“Zabuxa köç prosesi çox müvəffəqiyyətlə həyata keçirildi. Prezident İlham Əliyev və Birinci vitse-prezident Mehriban Əliyeva həmin ailələrlə görüşdü, olduqca maraqlı görüş alındı”.

Zengezur.tv xəbər verir ki, bunu jurnalistlərə açıqlamasında Azərbaycan Respublikası Prezidentinin Laçın rayonunda xüsusi nümayəndəsi Məsim Məmmədov deyib.

“Sus kəndi layihəsi də ümid edirəm, bu cür müvəffəqiyyətli olacaq. Düşünürəm ki, növbəti ilin əvvəlinə oraya köç mümkündür. Bu ilin sonuna kimi Laçında minlərlə yerli sakini görəcəyik. Eynilə Zabuxa ilin sonuna kimi ayda iki-üç köç prosesini təmin edəcəyik”, – Prezidentin Xüsusi Nümayəndəsi qeyd edib.