BQXK Qəzzaya humanitar yardım və tibbi heyət göndərdi

Beynəlxalq Qırmızı Xaç Komitəsi (BQXK) Qəzzaya humanitar yardım göndərib.

Zengezur.tv xəbər verir ki, bu barədə BQXK-nın “X” hesabında məlumat verilib.

“Karvanımız Rəfah keçid məntəqəsindən keçərək Qəzzaya girib.

Biz təcili humanitar yardım daşıyan 6 yük maşını ilə yanaşı, hərbi cərrahiyə qrupu da daxil olmaqla, tibbi personal göndəririk”, – BQXK bildirib.

Qeyd olunub ki, Qəzzaya tibbi materiallar, 5000 nəfərə qədər şəxs üçün nəzərdə tutulan hərbi cərrahiyə alətləri və 50 min litr içməli su üçün sutəmizləmə qurğusu göndərilib.