İşğaldan azad edilmiş ərazilərdə seçki məntəqələri təşkil ediləcək

Növbədənkənar prezident seçkiləri ilə əlaqədar işğaldan azad edilmiş ərazilərdə seçki məntəqələri təşkil ediləcək.

Zengezur.tv-nin xəbərinə görə, bunu Mərkəzi Seçki Komissiyası sədri Məzahir Pənahov MSK-nın bu gün keçirilən iclasında deyib.

O qeyd edib ki, işğaldan azad edilmiş ərazilərdə seçkilərə xüsusi diqqət edəcəyik. “İlk dəfə olaraq 20 min seçic işğaldan azad edilmiş ərazilərdə səs verəcək və bu hadisə tarixə düşəcək”, – deyə o əlavə edib.

Qeyd edək ki, dekabrın 7-də dövlət başçısı İlham Əliyev Azərbaycanda növbədənkənar Prezident seçkilərinin elan edilməsi barədə Sərəncam imzalayıb. 2024-cü il fevralın 7-də Azərbaycanda növbədənkənar Prezident seçkiləri keçiriləcək.