Azərbaycan Qadınlarının 6-cı Qurultayı keçiriləcək

Ulu öndər Heydər Əliyevin 100 illik yubileyinə ithaf olunan Azərbaycan Qadınlarının 6-cı Qurultayı keçiriləcək.

Zengezur.tv xəbər verir ki, qurultay 19 oktyabr tarixində baş tutacaq.

“Gülüstan” sarayında keçiriləcək forumda Azərbaycanın hər bir bölgəsində yaşayan və çalışan fəal qadınların iştirakı gözlənilir.

Tədbirdə Azərbaycan qadınları qarşıdakı vəzifələri, mövcud vəziyyəti müzakirə edəcəklər.

Qeyd edək ki, Azərbaycan Qadınlarının 1-ci Qurultayı 1998-ci il sentyabrın 14-də keçirilib. Bundan sonra ardıcıl olaraq 2003, 2008, 2013 və 2018-ci illərdə Azərbaycan Qadınlarının Qurultayı baş tutub.